Австралия тарихида илк бор мусулмон аёл сенаторликка сайланди
Австралия сенати тарихида илк бор мусулмон аёл аъзо бўлиши кузатилмоқда. Куни кеча асли покистонлик бўлган «Яшиллар партияси» вакили Мехрин Фаруки Австралия парламентидаги сенаторларнинг бири истеъфога чиққани сабаб, унинг ўрнига сайланди.
2013 йили Фаруки хоним Австралия тарихида илк бор Янги Жанубий Уэлльс штатининг қонун чиқарувчи кенгашига аъзо этиб сайланган мусулмон вакил бўлган. Унинг оиласи 1992 йили Покистондан кўчиб келган. Сиёсий фаолиятига қадар Мехрин Фаруки экология соҳасида илмий иш билан банд бўлган.
Таъкидлаш жоизки, сенаторликнинг илк кунларидаёқ Фаруки хоним австралиялик мусулмонлар қарашларини ҳимоя қилиш режасини намоён қилишга улгурди. Жумладан, у мусулмонларнинг Австралияга кириб келишини таъқиқловчи қонун ғояси муаллифи сенатор Фрейзера Эннингга нисбатан кескин жавоб қайтарган.