9 ёшли қизалоқ чақалоқни леопарддан қутқарди ва...
Тўққиз ёшли Мисрлик Амани Муҳаммад Фадиль чақалоқни қутқариш учун ўз жонини фидо қилди. Душанба куни кечқурун чақалоқ укасини кўчага кўтариб чиққан қизчага кутилмаганда йиртқич ҳайвонлар парваришланадиган фермадан қочган леопард хужум қилади. Қизалоқ ўз танаси билан укасини ёпиб олади. Леопард қизчани ғажиб ташлайди, чақалоққа эса ҳеч бир зиён етмайди.
Йиртқич ҳайвон ҳуқуқ-тартибот органлари ходимлари томонидан отиб ташланди ва ферма эгаси қамоққа олинди, деб ёзади хорижий оммавий ахборот воситалари.