2017 йилда Сурияга 6 миллиард доллар ажратилади
Жорий йилда Сурияга 6 миллиард доллар миқдорида ижтимоий ёрдам ажратилади. Бу ҳақидаги қарор Брюсселда бўлиб ўтган халқаро конференцияда маълум бўлди.
Конференцияда БМТ, Евроиттифоқ, шунингдек, Британия, Германия, Норвегия, Катар ва Кувайт мамлакатлари вакиллари иштирок этди.
«Делегатлар муҳокамалар чоғида Сурияга 6 миллиард доллар ажратилиши тўғрисида битимга келишди. Бу кичик маблағ эмас ва халқаро жамоатчилик мамлакатдаги оғир ҳолатга бефарқ эмаслигини кўрсатиб турибди», - дейди Инқирозга қарши курашиш масалалари бўйича еврокомиссари Христос Стилианидис.
Қайд этиш керакки, жараён аввалида БМТ 8 миллиард ажратилишини сўраган эди. Бироқ вайрон бўлган мамлакатларни тиклаш учун барча ҳаражатларни ҳисобга олган ҳолда, 6 миллиард доллар тасдиқланган. Мамлакатни оёққа тургазиш учун донор мамлакатлар ҳам алоҳида маблағ ажратади.
Манба: Islam-today