2015 ЙИЛДА 1,5 МЛН КИШИ ҲАЖ ИБОДАТИНИ АДО ЭТАДИ

    2015 йилда муқаддас Макка шаҳри ва унинг атрофида тахминан 1,5 млн киши ҳаж ибодатини адо этади. Бу ҳақда Саудия Арабистони Ҳаж вазирлиги маълум қилди. Саудия Арабистони оммавий ахборот воситалари маълумотларига кўра, якшанба, 23 август куни қирол маслаҳатчиси, Макка маъмурий округи амири Холид ал-Фесал раҳбарлигида ҳажни ташкил этиш марказий кенгашининг йиғилиши бўлиб ўтди.
   Унинг қайд этишича, 2015 йилда Маккага хориждан 1,35 млн, мамлакатнинг ички ҳудудларидан 185 минг нафар ҳожиларнинг келиши кутилмоқда. Бугунга қадар эса тахминан 100 минг киши қиролликка келиб улгурди.
    Муқаддас Макка шаҳридаги 2015 йилги ҳаж мавсуми 20 сентябрда бошланади.
    Эслатиб ўтамиз, 2014 йилда 2 миллиондан зиёд зиёратчилар ҳаж ибодатини адо этган эди. Ўзбекистондан эса 2015 йилда 5,2 минг атрофидаги зиёратчи ислом динининг бешта асосий рукнидан бирини адо этиш учун Саудия Арабистонига жўнаб кетади.