Рамазон ойида Татаристонда янги масжид очилди
Муборак Рамазон ойида Татаристоннинг Таишево қишлоғида янги масжид очилди. Масжид бир минорали, икки қаватли бинодан иборат бўлиб, йўл ёқасида жойлашган. Масжид биноси 270 кишига мўлжалланган.
Масжиднинг илк ғишти 2016 йилда қўйилган эди. Мана бугунга келиб қишлоқда иккита масжид фаолият қўрсата бошлади. Масжиднинг тантанали очилиш маросимида Кукмор мухтасиботи вакиллари иштирок этишди ва масжид қурилишига ўз ҳиссасини қўшган маҳаллий аҳоли, тадбиркорлар ва Таишево қишлоғи раҳбариятига ўз миннатдорчилигини билдирди.
Масжиднинг очилиш маросимида шунингдек, Татаристон Республикаси муфтийси Комил ҳазрат Самигуллин, Кукмор мадрасаси раҳбари Ришат ҳазрат Курамшин, Кукмор тумани оқсоқоли Зиннур ҳазрат Самигуллин ва бошқа диний идоралар вакиллари иштирок этишди.