Мадинада туристик автобуслар ишга тушди

13 Noy 2017 337

Эндликда зиёратчилар ва туристлар Мадина шаҳрининг диққатга сазовор жойларини автобус турлари ёрдамида томоша қилишлари мумкин. Бу ҳақда marwa.ru манбаси хабар бермоқда.

Шаҳарнинг тарихий ва маданий диққатга сазовор жойларини зиёратчилар энди махсус тайинланган икки қаватли, 63 кишини ўз ичига оладиган автобусларда томоша қилишлари мумкин.

Ушбу тур давомида зиёратчилар Мадинанинг 11 та диққатга сазовор жойларини, жумладан, Масжидун Набавий, Қиблатайн масжиди, Қубо масжидлари, Ас-Салом дарвозалари, Ал-Манаҳ майдони, Бақиъ қабристони, Уҳуд тоғи, Султон кўчалари ва бошқаларни зиёрат қиладилар.

Масканлар ҳақидаги тарихий-маданий маълумотларни 8 тилда, жумладан, араб, инглиз, француз, турк, малайзия, индонезия, форс ва урду тилларида тинглашлари мумкин бўлади.