“ИСЛОМ ВА МУСУЛМОНЛАР ҲАҚИДА ФИКРИНГИЗ?” СЎРОВНОМАСИ
Мутахассислар аҳолисининг асосий қисми мусулмон бўлмаган дунёнинг турли шаҳар ва қишлоқ кўчаларида, Ислом дини ва мусулмонларга нисбатан уларнинг фикри ва муносабати ҳақида маълумот тўплашишди.
Очиқ мулоқотда, сайёрамизда яшовчи турли миллат ва динга мансуб 1 000 000 дан ортиқ одамнинг фикри ўрганилди.
Сўровномада иштирок этганлар мусулмонларнинг кундалик юриш-туриши, одоб-ахлоқи, маданияти, онги, савияси ва одамийлик каби хислатларига нисбатан ўз муносабатларини билдиришди.
Мутахассислар эълон қилган натижага кўра, сўровнома иштирокчиларининг 70 фоизи, Ислом ва мусулмонлар ҳақида ижобий фикрда экани, улар билан илиқ муносабатда экани тасдиқланди.
Эътиборли жиҳати, аксарият иштирокчилар жаҳонда рўй бераётган мудҳиш воқеаларнинг Ислом динига мутлақо алоқаси йўқлигини эътироф этишди. Айниқса, бир неча йиллардан буён мусулмонлар билан ҳамнафас яшаб келаётганлар, ёвузлик, босқинчилик ва зўравонлик мусулмонларнинг асл табиатига мутлақо зид эканини эътироф этишди.
Азизхон ҲАКИМОВ тайёрлади.
Muslim.uz