“ИСЛОМ ТЕРРОРИЗМ ВА ЭКСТРЕМИЗМГА ҚАРШИ КУРАШАДИ ” МАВЗУИДАГИ ХАЛҚАРО КОНФЕРЕНЦИЯ
Жорий йилнинг 22-23 июль кунлари Тожикистон пойтахти Душанбе шаҳрида “Ислом терроризм ва экстремизмга қарши курашади” мавзуидаги халқаро конференция бўлиб ўтади. Мазкур конференцияга “Исломий мазҳаблар ўртасини мувофиқлаштириш” халқаро академияси бош котиби Оятуллоҳ Муҳсин ал-Аракий иштирок этади.
Шунингдек, ушбу халқаро конференцияда бир қатор етук уламолар, мутафаккирлар, тажрибали мутахассислар, диний муассасалар ва нодавлат ташкилот вакиллари иштирок этади. Халқаро конференцияни ўтказишдан кўзланган асосий мақсад, халқаро ва минтақавий жамоатчиликда тинчлик, осойишталикни барқарорлаштириш, хавфсизликни мустаҳкамлаш, Исломнинг тинчлик ва эзгулик дини эканини кенг жамоатчиликка тушунтиришдир. Шу билан бирга, конференция давомида исломнинг диний маросимлар ва урф-одатларни муҳофаза этувчи дин экани, унинг терроризм ва экстремизм ғояларига тамоман қаршилигига доир мавзулар тўғрисида ҳам суҳбатлар олиб борилади.
Илёс Аҳмедов тайёрлади.
