ДУБАЙДА “ДУНЁ МЎЖИЗАСИ” БАРПО ЭТИЛАДИ
Яқин кунларда Дубай шаҳрида 60 гектар майдонни эгаллаган “Дунё мўъжизаси” номли Қуръони Карим боғи очилиши маълум қилиндиб, деб ёзади islam.ru нашрига таяниб, www.muslim.uz . Ушбу боғда Қуръони каримда зикр қилинган мева ва ўсимликларнинг 54 хили экилган. Жумладан, анжир, анор, зайтун, жўхори, кўк пиёз, саримсоқ, ясмиқ, арпа, буғдой, занжабил, қовоқ, тарвуз, ҳинд хурмоси (тамр ҳиндий), узум, банан, бодринг, райҳон ва ҳоказо.
Зиёратчилар нафақат уларни томоша қилишлари, балки ўсимликларнинг фойдали жиҳатлари ҳақида ҳам маълумот олишлари мумкин. Қуръони каримда номи келган уч турли ўсимлик йиллар давомида ер юзида йўқ бўлиб кетгани сабабли, боғда уларни учратишнинг имкони йўқ.
Шунингдек, боғга ташриф буюрган меҳмонлар махсус жиҳозланган ер ости йўлида Қуръони карим оятлари ҳамда Қуръон мўъжизаларини тинглаб, видеолавҳаларни томоша қилишлари мумкин. Бундан ташқари боғда болалар майдончаси, Умра бурчаги, амфитеатр, югуриш майдончаси ва велосипед учиш учун махсус йўлакчалар барпо этилган.