Анжелина Жоли ўз гонорарини мусулмон қизларнинг таълими учун бермоқчи
27.12.2015 3998
Таниқли киноактриса, Голливуд юлдузи Анжелина Жоли “Боқувчи” номли анимацион фильмдан оладиган ўз даромадини афғон қизларининг таълим олиши учун ажратмоқчи.
Фильм 2017 йилда катта экранларга чиқади. Голливуд актрисаси фильмнинг ижрочи продюссери саналади. Картинанинг яна бир продюссери Нора Твомининг сўзларига кўра, Дебора Эллис романи асосида суратган олинаётган фильм нафақат инглиз, шунингдек, дорий ва пушту тилида ҳам чиқиши мумкин.
Сўнги бир неча йиллардан бери БМТнинг элчиси Анжелина Жоли икки марта Афғонистонда бўлди. Қолаверса, у Афғонистоннинг шимолий қисмидаги аёллар мактабларини доимий равишда молиялаштириб туради.
