Мармар тош маййитга оғирлик қиладими? 31.08.2015

Ассалому алайкум, устоз. Сизга саволим: қабрга мармар тош қўйилса, маййитга оғирлик қилади, деган гап ростми? Қабр устига мармардан ёдгорлик ўрнатиш ёхуд қабр устига бино тиклаш мумкинми?

Россияга нисбатан қибла қайси тарафда? 26.08.2015

Ассалому алайкум. Мен турмуш ўртоғим билан Россиядаман. Шу ерда динни ўргандим, намоз ўқий бошладим. Қуёш қайси томонга ботса, қибла ўша тарафда бўлади, деб ўқигандим. Аллоҳга таваккал қилиб намоз ўқияпман, лекин қуёш қишда жанубга, ёзга яқин шимол томонга ботяпти. Мен қиблани қуёш йўналишига қараб ўзгартирайми. Илтимос, маслаҳат берсангиз!

Уйқудан олдинги дуо ва зикрлар қандай адо этилади? 26.08.2015

Ассалому алайкум. Ҳадисларда уйқуга ётишдан олдин ўқиладиган оят, сура ва зикрлар баён қилинган. Мен ҳам уларни ёдлаб олганман. Имкон борича ўқиб, кейин ухлашга ҳаракат қиламан. Сўрамоқчи бўлганим, бу оят ва зикрлар қандай ўқилади: тўшакка ўтириб олиб ўқиладими ёки ёнбошлабми? Жаҳрий ўқиладими ёки махфий? Илтимос, мана шуларнинг тартибини менга ўргатсангиз, устоз!

Ит таҳоратли одамни ҳидласа таҳорат бузиладими? 25.08.2015

Ассалому алайкум, ҳурматли Одилхон қори ака. Авваломбор мухлис.уз сайти орқали меҳнат таътилидан қайтганингизни эшитиб жуда севинганимни айтиб ўтмоқчиман. Тўғрисини айтганда, сизнинг жума кунги маърузаларингизни жуда соғингандик. Шу ўринда сизнинг йўқлигингизни билдирмай бизларга имомлик қилган қори акага (афсуски исмларини билмайман) ҳам ташаккур айтмоқчиман. Мақсадга ўтадиган бўлсак, сизга бир масалада соволим бор эди. Куни кеча сизнинг таҳорат китобингизни ўқиб чиқдим, Алҳамдулиллаҳ. Билмаганларимни билиб, билганларимни мустаҳкамлаб олдим. Лекин бир масала юзасида иккиланиб қолдим. Китобингизда ёзилишича, ит ёки тўнғиз, ёки бирор нажасга қўл тегиши билан таҳорат бузилмас экан. Лекин халқ орасида ит таҳоратли одамни ҳидласа ёки қанчадир масофага яқин келса таҳорат бузилади деган гап бор. (Фикримча иккинчи ҳолат ноўрин бўлса керак. Чунки ҳаво орқали ит туфайли одам танаси нопок бўлиб қолмайди.) Авваллари мен ҳам шу фикрда эдим. Сабаби ит бор жойга фаришталар кирмаслиги ва Пайғамбаримиз (с.а.в.) ҳам итларни ҳушламаганликлари кўп эшитганимиздир. Шу масалада бироз ойдинлик киритишингизга муҳтожман. Имкони бўлса ҳадисдан далиллар билан изоҳлаб берсангиз. Олдиндан раҳмат.

Намозни зарурат юзасидан бузиш жоизми? 24.08.2015

Ҳурматли Одилхон қори ака. Одамлардан намоз ўқишини яширса, намоз ўқиб турган пайтда биров келиб қолгани учун ноилож намозни бузса, бошидан ўқиш керакми? Бунинг гуноҳи йўқми?