Бой бўлгани учун кишининг мартабаси пасаядими?
Савол:Ассалому алайкум. Домла, мен бир ерда ўқиганимда, агар бандага бойлик берилса, қанча саховат қилмасин, молини яхши йўлда сарфламасин, Аллоҳнинг ҳузурида даражаси биттага пасаяди, деб ёзилганди. Иккинчи жойда, Аллоҳнинг ҳузурида мўминнинг кучлироғи яхши, деб ёзилган. Бойлиги бор одам, табиийки, қўли узунроқ – кучлироқ бўлади. Юқоридаги фикрларнинг қайси бири тўғри? Саволим нотўғри бўлса, олдиндан узр сўрайман!
Булим Ақида5401
Ва алайкумус салом. Ислом шариатида бойлик мутлақ қораланмайди. Балки бойлик ортидан қувиш, ибодатлардан чалғиш, дунё ҳаётига муккадан кетишдан қайтарилади. Шукрини адо этган ва яна инфоқ-эҳсон қиладиган банда садақа қилмайдиган одамдан фазилатлироқдир. Бу масаланинг бир жиҳати. Бошқа тарафдан олиб қарасак, қиёматда бой одам камбағалдан кўра кўпроқ ҳисоб қилинади. Сабаби мол-давлати сабаб унинг тасарруфлари ҳам кўп бўлади. Аммо ҳалолдан топиб, ҳалолга ишлатган бўлса, мўмин одам, иншааллоҳ, нажот топади.
Ҳадиси шарифларнинг бирида илм ва молу давлат берилган инсоннинг мартабаси энг улуғ экани айтилган. Бунинг учун илмга амал қилиш, бойлигини фақат яхшилик йўлида сарфлаш талаб этилади.
