Тўй куни қилинадиган амаллар 05.01.2018
Савол:Ассалому алайкум! Бир жойда “Тўй куни куёв келиннинг оёғини бир идишга ювиб, шу хонанинг 4 бурчагига сепиш керак. Шунда Аллоҳ 4 та ёмонликдан (жиннилик, махов, пес бўлишдан) сақлайди”, деб эшитдим. Шу қанчалик хақиқат? Оят ёки ҳадисда борми? Агар бор амал бўлса, батафсилроқ маълумот берсангиз. Уйланиш ниятидаман. Тўй куни Ислом чегарасида (фарз ва суннат) қилинадиган амаллар хақида маълумот ҳам берсангиз.
Булим Оилавий7791
Ва алайкум ассалом. Бунинг бирон далили йўқ. Ақл билан ўйлаб кўрилса ҳам ўша ишда бирон манфаат, ҳикмат кўринмайди.
Уйланиш арафасидаги йигит-қизлар покликка, ҳалолликка кўра кўпроқ аҳамият беришлари керак. Чунки уларнинг тўғри эътиқоди, хулқ-одоби, юриш-туриши бўлғуси авлод вакилларига таъсир қилади.
Никоҳ кечаси турли урф-одатларни қилиш тарқалган. Улар ичида шариатга тўғри келадигани ҳам, ношаръий ишлар ҳам бор. Бунда шариат қайтарган ишлардан сақланилади, мубоҳ қилинган ишлар бажарилади.
