Саволлар ва жавоблар

 

Мавзу:

Ўн икки ёшга тўлган болага ақиқа қилса бўладими? 11.12.2017

Савол:

 Ассалому алайкум! Шароитим туфайли фарзандимга ақиқа қилмагандик. Ҳозир 12 ёшга тўлди. Аллоҳга шукрлар бўлсин, ҳозирда анча ўзимизни ўнглаб олдик. Келажакда ўғлимга атаб ақиқа қилсак бўладими?  Қандай маслаҳат берасиз?

Жавоб:

Ва алайкум ассалом. Фарзанд учун ақиқа қилиш фарз ёки вожиб эмас, балки суннатдир. Расулуллоҳ соллаллоҳу алайҳи ва саллам тавсияларига кўра, фарзанд туғилганининг еттинчи, ўн тўртинчи ёки йигирма биринчи куни ақиқа сўйилади. Кимда-ким шу муддат ичида ақиқа қилишга қодир бўлмаса, қачон иложини топса, ўшанда қилаверади.
Демак, фарзандингиз ўн икки ёшга тўлганида имкониятингиз бўлган экан, унинг учун ақиқа қилсангиз бўлади. Валлоҳу аълам!