Саволлар ва жавоблар

 

Мавзу:

Нима учун Аллоҳга “сиз”лаб мурожаат қилинмайди? 07.12.2017

Савол:

Ассалом алейкум. Бир савол буйича жавобини топа олмадим кидириб. Аллохга нима учун САН деб мурожаат килинади, нима учун сиз дейилмайди? Олдиндан рахмат. Савол ноўрин булса узр сўрийман.

Жавоб:

Ва алайкум ассалом. Ҳурмат маъносида “сиз”лаб мурожаат қилиш асосан ўзбеклар орасида тарқалган, десак хато бўлмайди. Аммо арабларда бир кишига “анта” (сен), икки кишига “антумаа”, кўпликка “антум” (сизлар) деб мурожаат қилинади. Парвардигоримиз Аллоҳ таолога дуо қилганда “анта”, яъни, “сен” деб мурожат қилинади. Сабаби “сиз” дейилса, кўплик маъносида тушунилиши мумкин. Ислом ақидасига кўра, Аллоҳдан ўзга илоҳ йўқ. У Ягона Зотдир. Аллоҳнинг шериги йўқ. Аллоҳга “сиз”лаб мурожаат қилинмаслигининг сабаби шунда. Валлоҳу аълам!