Бомдод нега қуёш чиқмасидан олдин ўқилади? 18.11.2017
Савол:Ассалому Алейкум. Бомдодни қуёш чиқмасдан ўқиш лозим ва қуёш ботганда шом ўқилиши керак. Нега қуёш чиқмасдан Бомдод ўқилади ёки қуёш ботганда шом? Раҳмат каттакон.
Булим Фиқҳ9246
Ва алайкум ассалом. Аллоҳ таоло мўмин-мусулмон бандаларига бир кунда беш маҳал намоз ўқишни буюрган. Булар: бомдод, пешин, аср, шом ва хуфтон. Бу намоз вақтлари Аллоҳ тарафидан жорий қилинган. Лекин, айнан нима сабабдан бу вақтлар белгилангани Аллоҳга аён. Бандалар тааббудий нарсаларни билмайдилар. Масалан, нега одамнинг иккита кўзи бор, нима сабабдан инсон оёғи билан юради, каби саволлар берилмайди. Бунинг сабабини фақат Аллоҳ билади.
Инсонларга жуда оз илм берилган. Ғайб нарсалар, Аллоҳгагина аён бўлган илмлар бор. Бандалар булар ҳақида савол беравермасдан, ўзларига юклатилган вазифаларни сидқидилдан адо этсалар, мақсадга мувофиқ бўлади. Чунончи, биздан, намоз нега маълум вақтга белгиланганини билиш эмас, намозни вақтида тўкис адо этиш талаб этилган... Валлоҳу аълам!