Садақани кимларга бериш керак? 08.11.2017
Савол:Ассалому алайкум! Садақа бериш ҳақида гап кетганида, садақа минг дардни ва балони қайтаради дейилган. Ҳозирда кўчаларда, бозорларда масжидларни олдида туппа тузук аёллар ва болалар туриб олади, ногиронларни майли тушунса бўлади, пайти келганида беришга арзигулик одамни топиб бўлмай қолади. Садақани кимга берган жоиз? Жавобингиз учун олдиндан рахмат!
Булим Бошқа мавзулар9796
Ва алайкум ассалом. Ҳақиқатан, садақа инсон бошига келган ва келиши мумкин бўлган бало-офатларни қайтариши ҳақида ривоятлар бор. Лекин садақани ҳам энг муносиб одамга бериш керак. Чунончи, тиланчиликни касб қилиб олганларга эҳсон қилинмайди. Ҳозир кўча-кўйда садақа сўраб юрганлар унча-мунча одамлардан кўп пул топади. Албатта, тиланчилик орқасидан. Шунинг учун теварак-атрофга теранроқ назар ташласак, сўрамаса ҳам аслида муҳтож инсонлар борлигини кўрамиз. Ана шундай одамларни топиб, ўрнига сарф қилинса, садақадан кўзланган мақсад ҳосил бўлади.
