Саволлар ва жавоблар

 

Мавзу:

Нима учун овоз чиқариб ўқилади? 21.09.2017

Савол:

Ассалому алайкум. Нега бомдод, шом ва хуфтон намозларининг фарзлари жамоат билан ўқилганда овоз чиқариб қироат қилинади. Нега пешин билан аср намозида овоз чқармай ўқилади?

Жавоб:

Ва алайкум ассалом. Бомдод, шом ва хуфтон намозлари жамоат билан ўқилганда, дастлабки икки ракатда овоз чиқариб қироат қилинади. Пешин ва аср намозининг барча ракатларида, шом намозининг учинчи ва хуфтоннинг учинчи ва тўртинчи ракатларида махфий қироат қилинади. Бу иш бизнинг ҳанафий мазҳабида вожиб саналади.

Расулуллоҳ соллаллоҳу алайҳи ва саллам қандай намоз ўқиган бўлсалар, биз ҳам шундай ўқиймиз. Ҳар бир ибодатда у зотга эргашамиз. Жумладан, намозда жаҳрий ва махфий қироат борасида ҳам Расули акрамга иқтидо қиламиз. Аммо, тунги намозларда овоз чиқариб, кундузи махфий қироат қилишнинг асл ҳикмати нимадалигини билмаймиз. Аллоҳ билади.