Ва алайкум ассалом. Аллоҳ таоло солиҳ амалларга иштиёқингизни зиёда қилсин!

Ҳар бир мўмин-мусулмон банда кунда беш маҳал фарз намозларини ўқиши лозим. Шу билан бирга, фарзларга тобе бўлган суннати муаккада намозларини ҳам ўқийди. Агар кўпроқ ибодат қилишга мойиллиги бўлса, унда кечаси туриб таҳажжуд намозларини ўқигани маъқул. Чошгоҳ вақтида ўқиладиган зуҳо намози ҳам фазилатли амаллардандир. Пешиннинг икки ракат суннатидан кейин икки ракат, асрдан олдин тўрт ракат, шомдан кейин олти ракат, хуфтоннинг фарзидан олдин тўрт ракат нафл намоз ўқиши ҳақида кўрсатмалар келган. Қолаверса, таҳорат олгач икки ракат намоз ўқиш хосияти ҳақида ҳам ривоятлар бор.

Агар сиз фарз ва суннат намозларидан ташқари яна намоз ўқимоқчи бўлсангиз, нафл нияти билан ўқишингиз жоиз. Фақат, нафл намоз ўқилмайдиган вақтларга эътиборли бўлиш керак. Валлоҳу аълам! (Манба: “Кифоя”).