Фарзандига қандай исм қўйиш керак? 09.03.2017
Савол:Ассалому алайкум. Бир танишим жума кунида намоздан сўнг ўғил фарзанд кўрди, фарзанди суннати эканлиги аниқ бўлди, шунинг учун ҳамма исмини Суннатиллоҳ қўйиш шартлигини айтяпди, лекин у оилада фарзанд узоқ кутилган ўғил бўлганлиги учун ота-онаси бошқа исм қўймоқчи, шу борада сиздан маслаҳат сўраяпман, қандай исм бериш керак? Исломда бу борада нима дейилган? Олдиндан раҳмат.
Булим Ижтимоий масалалар5930
Ва алайкум aссалом. Исломда “Жума куни туғилса, ундай, суннатли ҳолида туғилса, бундай исм қўйиш керак”, деган шарт йўқ. Муҳими исм яхши маъноли, шаръий бўлса бўлгани. Фарзанд кўрган инсон ота-онаси, яқинлари билан келишиб, бамаслаҳат бирон гўзал исмни танлайди.