“Турсуной” исми Исломда йўқми? 01.03.2017
Савол:Ассалому алайкум, қори ака. Бир одам билан гаплашганимда, “Турсуной” исми Исломда йўқ ва у жуда оғир исмлардан, деди. Бу исмнинг маноси нима? Уни ўзгартириш керакми?
Булим Ижтимоий масалалар3792
Ва алайкум aссалом. Тўғри, “Турсуной” арабча эмас, ўзбекча исм. Аммо бу мазкур исмнинг Исломда йўқлигига далолат қилмайди. Арабча бўлмаган кўплаб яхши маънодаги исмлар бор, уларни қўйиш жоиз.
“Турсуной” исми “яшасин”, “омон бўлсин” каби маъноларни билдиради. Бунда бирон иллат ёки шариат қайтарган жиҳат кўринмайди. Шундай экан, бу исмни фарзандига қўйиш жоиз. Қизалоққа, иложи бўлса, ўтмишда ўтган машҳур саҳобия, фозила аёллар исмини танлаш афзал. Аммо сиз сўраган исмда ҳеч бир ёмон маъно йўқ. Валлоҳу аълам!