Зино саратон касаллигини келтириб чиқариши аниқланди
Сўнгги 10 йил ичида Россия аёллари орасида бачадон бўйни ракининг кескин ортиб кетиши кузатилди. Молекуляр диагностика маркази мутахассиси Ольга Шипулинанинг сўзларига кўра, мамлакатдаги мазкур саратон касаллигига чалинган аёлларнинг ярмидан кўпи 35дан кичик ёшдагилар. Ҳамма гап шундаки, дейди Шипулина, мамлакатимиздаги аёлларнинг аксари турмуш хаётини эрта бошлайдилар. Эркаклари эса никоҳ бўла туриб бир неча аёллар билан яшайдилар. Бунинг оқибатида эркаклар турли ўта оғир вирус ташувчиларига айланадилар.
Аёллар эрта турмуш қурадилар, эркаклар эса зино оқибатида аёл соғлиғи учун ўта хавфли ва фақатгина жинсий йўл билан юқиши мумкин бўлган “одам папиллома вируси” (ОПВ) ташувчисига айланиб аёлларга мазкур вирусни юқтирадилар. ОПВ вируси организмига кирган аёлнинг бачадон саратони хасталикларига чалиниши ҳавфи кескин ортади.
Мутахассислар, мана шундай бетартиб ҳаёт тарзини кечирувчиларга мазкур вирусга қарши эмланишни таклиф қиладилар. Лекин мазкур вакцина жуда қиммат бўлиб, уни тез-тез олиб туриш керак бўлади.
Муқаддас Қуръон Каримда ҳам зинодан қатъий қайтарилган ва зинокорлар қораланган. “Зинога яқинлашмангиз! Чунки у фаҳш ва ёмон йўлдир” (Исро сураси, 32).
Ислом шариати зинони қаттиқ қоралаши ва таъқиқлашининг яна бир ҳикмати аён бўлди. Аллоҳ буюрган ва қайтарган амалларга бўйсуниш инсониятнинг камолоти ва фаровонлигига олиб келиши шубҳасиз.