Шукрона

20 Sen 2015 1936


Аллоҳ дуоларимни мустажоб қилиб
Каъбасини менга насиб айлади,
Муҳаммад ўзига мени дўст билиб
Равзасини менга раво айлади.

Лаббайкани такрор қилиб қалбимда
Шайтони лаъинни қувиб йўлимдан,
Иймонни мустаҳкам қилиб дилимдан
Каъбасини менга насиб айлади
Равзасини менга насиб айлади.

Равзага аввало ургайман бош
Юзин тутиб берса менга қора тош,
Байтуллоҳда оқиб кўзларимдан ёш
Каъбасини менга насиб айлади
Равзасини менга насиб айлади.

Сафо Марва орасида қилсам сайр
Зам-зам суви менга оби кавсар,
Мақоми Иброҳимда барча сарбасар
Каъбасини менга насиб айлади
Равзасини менга раво айлади.

Олиб ташласам бошимдаги сочни
Муздалифадан териб олиб тошни,
Тошбўрон қилсак шайтон бебошни
Каъбасини менга насиб айлади
Равзасини менга раво айлади.

 

Қобил Бафо, ҳаж зиёратчиси