Кўнгил обод бўлса ...
1.8.2015 2972

 

Мукаррам яралган инсон деган зот,
Демакки, Ҳақ йўлда айланг ижтиҳод.
Поклигу тақводан кўнгил эрур шод,
Кўнгил обод бўлса – турмуш ҳам обод!


Шукр, устимиз бут, бахтимиз тугал,
Имон-эътиқодни тутганмиз машъал.
Қалбнинг гавҳарига берайлик сайқал,
Кўнгил обод бўлса – турмуш ҳам обод!

Барчамизга бешик шу азиз Ватан,
Бунёдкор халқдирмиз, бир жону бир тан.
Меҳр-мурувватдан яшнагай чаман,
Кўнгил обод бўлса – турмуш ҳам обод!

Тупроғин тўтиё айлайлик кўзга,
Тинчлиги барқарор, тўкин ризқ-рўзга.
Одил қори айтар ганж битиб сўзга,
Кўнгил обод бўлса – турмуш ҳам обод!

Фарзандлар баркамол, омон бошимиз,
Ҳалол ичганимиз, еган ошимиз.
Яхшилик қилайлик қари-ёшимиз,
Кўнгил обод бўлса – турмуш ҳам обод!

Аллоҳнинг йўлида собитмиз, долмиз,
Аллоҳни унутсак – афтодаҳолмиз.
Дину диёнатда фазлу камолмиз,
Кўнгил обод бўлса – турмуш ҳам обод!

                                                                                            

Одилхон қори Юнусхон ўғли

Кун ҳикмати

Келинига зулм қилаётган қайноналар "Ҳаргиз Аллоҳ золимлар қилаётган амаллардан ғофил, деб ҳисоблама!" (Иброҳим сураси: 42) оятини ёдига келтирсин ва …

Китоблар
Энг кўп ўқилган мақолалар
Истихора дуоси

Истихора сўзи луғатда яхшилик сўраш маъносини билдиради. Шаръий истилоҳда, банданинг намоз ўқиш ёки дуо қилиш билан Ал…

8.112015 42662
Энг кўп ўқилган савол-жавоблар
“Никоҳимиз бекор бўлмаганми?” 07.05.2018

Ассалому алайкум, ҳурматли устозлар. Сизларга саволим шуки, аёлим билан қарийб икки йилдан буён алоқаларим яхши эмас. Жинсий яқинлигимиз ҳам йўқ. Ҳозирги кунда аёлим менга ҳалолми ёки номаҳрамми? Унга яқинлашишим жоизми ёки қайтадан никоҳлаб олайми? Жавобингиз учун олдиндан раҳмат!

2637