Одилхон қори Юнусхон ўғли

 

Одилхон қори Юнусхон ўғли 1977 йил 18 майда Наманган шаҳрида ишчи оиласида туғилган. 1993-1994 йилларда Наманган Давлат Университети қошидаги араб тили таржимонлиги курсида таҳсил олган.

 

Илк диний сабоқни оилада отаси Юнусхон қоридан олади ва 1997 йилда Қуръони каримни тўлиқ ёдлаб, хатмона ўтайди.

 

1998 - 1999 йилларда Тошкент шаҳар Учтепа туманидаги “Ҳазрати Умар” жомеъ масжидида имом - хатиб, 1999 - 2000 йилларда Шайхонтоҳур туманидаги “Шайх Зайниддин” жомеъ масжидида имом ноиби вазифасида ишлаган.

 

2002 йилда “Имом ал-Бухорий” номли Тошкент Ислом Институтини тамомлаган.

 

2000 - 2011 йилларда Шайхонтоҳур туманидаги “Фирдавс” жомеъ масжидида имом -хатиб вазифасида хизмат қилган.

2006 йилда Малайзияда бўлиб ўтган Қуръони карим мусобақасида Ўзбекистон Мусулмонлари идорасининг тавсиясига биноан қатнашиб, 77 иштирокчи орасида совринли ўринни эгаллаган ва фахрий ёрлиқ билан тақдирланган.

 

2010 йилдан буён Тошкент шаҳар бош имом - хатиби ўринбосари. 2011 йилдан буён Шайхонтоҳур тумани бош имом хатиби ва “Шайх Зайниддин” жомеъ масжиди имом - хатиби.

 

Одилхон қори Юнусхон ўғли 2010 йилнинг “Энг намунали имом” кўрик танлови ғолибидир.

 

Одилхон қори илмий соҳада ҳам фаол ижод қилиб келмоқда. У халқимиз маърифати юксалишида хизмат қилаётган умидли имомлардандир.

 

Одилхон қори Юнусхон ўғлининг “Тубанлик гирдоби” (2011) ва “Қўшничилик ҳақлари ва одоблари” (2012) номли китоблари нашрдан чиққан.

 

Одилхон Исмоилов “Кенг ризқ ва барака омиллари” (2011) ва “Тажвид қоидалари” (2011) китобларининг ҳам муаллифи саналади.

 

Одилхон қори Юнусхон ўғлининг “Озодалик имоннинг гўзал баҳоси”, “Масжид одоблари”, “Рўза тутиш одоблари”, “Ҳаж маносиклари”, “Исрофдан сақланайлик”, “Меҳр - оқибат жаннат гаровидир” номли рисолалари чоп этилган.

 

Ҳозирда унинг ташаббуси ва раҳбарлиги остида Muxlis.uz сайти фаолият юритиб келмоқда.

 

Матбуот ва интернет сайтларида Одилхон Исмоиловнинг кўплаб мақолалари эълон қилинган. У турли теледастурларда фаол иштирок этиб келади.

 

Кун ояти

(Эй Муҳаммад,) ўз жонларига зулм қилган бандаларимга айтинг: Аллоҳнинг раҳматидан ноумид бўлмангиз! Албатта, Аллоҳ барча гуноҳларни мағфират қилур. …

Китоблар
Энг кўп ўқилган мақолалар
Истихора дуоси

Истихора сўзи луғатда яхшилик сўраш маъносини билдиради. Шаръий истилоҳда, банданинг намоз ўқиш ёки дуо қилиш билан Ал…

8.112015 45584
Энг кўп ўқилган савол-жавоблар
“Никоҳимиз бекор бўлмаганми?” 07.05.2018

Ассалому алайкум, ҳурматли устозлар. Сизларга саволим шуки, аёлим билан қарийб икки йилдан буён алоқаларим яхши эмас. Жинсий яқинлигимиз ҳам йўқ. Ҳозирги кунда аёлим менга ҳалолми ёки номаҳрамми? Унга яқинлашишим жоизми ёки қайтадан никоҳлаб олайми? Жавобингиз учун олдиндан раҳмат!

3591