Nima uchun Buyuk Britaniyalik ziyoratchilar Hajga velosipedda bormoqchilar?

   Buyuk Britaniyalik 8 nafar musulmon bu yili Haj safariga velosipedda borishga qaror qildilar. Ular safar davomida bir million funt sterling miqdordagi mablag‘ni to‘plashni va uni suriyalik qochqinlarga xayriya qilishni niyat qilganlar.

  “So‘nggi yillrada biz hajning haqiqiy mohiyatini, mashaqqatini unutib qo‘ydik. Avvallari ziyoratchilar bu ulug‘ safarga yarim yil vaqt sarflar edilar. Ba’zilari esa ikki yilgacha qolib ketishar edi. Bu – ibodat safaridir, shuningdek, biz uchun ko‘plab insonlar hayotini o‘rganish imkoniyatidir. Biz ular bilan muloqotlarda bo‘lib, nima uchun transportning bu turini tanlaganimizni so‘zlab beramiz”, deya izohlaydi ziyoratchilardan biri. Musulmonlar marshruti Fransiya yo‘llaridan o‘tib, keyin, Shvetsariya, Germaniya, Avstriya, Lixteynshteynni kesib o‘tib, Italiyaga qadar yetib boradilar. So‘ngra guruh parom (katta kema) bilan Gretsiyaga yetib borib, dengiz ustidan samoletda kesib o‘tib, Misrga Iskandariyaga boradilar. Keyin yana parom orqali Makkaga yetib boradilar.

vakillik.uz