Islom dini ulamolari so‘rovnomalardan norozi
Barchamizga ma’lumki, internet saytlari va ijtimoiy tarmoqlarda “Dunyodagi eng nufuzli kishi”, “Eng yaxshi aktyor”, “Eng yaxshi avtomobil rusumi” va hokazo mavzularda tez-tez internet-so‘rovnomalar o‘tkazib turiladi. Ulamolar “Eng nufuzli kishi” kabi internet-so‘rovnomalar ro‘yxatiga Payg‘ambar alayhissalomning nomlari kiritilayotganiga norozilik bildirishdi deb xabar beradi muslim.uz sayti.
Ulamolar: “Payg‘ambar alayhissalomni Allohning o‘zi eng oliy daraja ya’ni boshqa mansab va martaba bilan qiyoslab bo‘lmaydigan nubuvvat bilan siylagan. Agar e’tibor bersangiz, o‘tkaziladigan internet-so‘rovnomalarda, asosan, siyosiy arboblar, aktyor va aktrisalar, hattoki, jaz va rep yo‘nalishida faoliyat yurituvchi shaxslarni ko‘rish mumkin, ular qatorida Rasululloh alayhissalomning nomlarini qo‘shib qo‘yish nojoizdir, deyishadi.