AQSh Trampning migratsion siyosati sabab JCh-2026 dan mosuvo bo‘lishi mumkin
FIFA AQShni 2026 yilda o‘tkazilishi belgilangan futbol bo‘yicha jahon chempionati mezbonligini tortib olish bilan qo‘rqitdi. Bunga sabab Trampning mamlakat hududiga bir necha musulmon davlatlar fuqarolarining kirishini taqiqlovchi shov-shuvli qonunidir.
“Oltita musulmon davlat fuqarolarining AQShga kirishini taqiqlash qonuni mamlakatni Jahon chempionatidan mahrum qilishi mumkin. Bu musobaqa unda qatnashadigan barcha mamlakatlar fuqarolari uchun ochiq bo‘lishi shart”, - deydi FIFA prezidenti Janni Infantino. Uning aytishicha, xukumatning migratsion siyosati xalqaro sport musobaqasi qoidalariga ziddir.
Qayd etish kerakki, JCh-2026 ni AQSh rasman qabul qilib olganicha yo‘q. Ovoz berish jarayoni kelasi yil bo‘lib o‘tadi va unda AQSh g‘oliblikka asosiy da’vogar bo‘lib turibdi.
islam-today