BAAda “nogiron” so‘zi “qahramon inson” atamasiga almashtirildi
BAAda sog‘lik borasida imkoniyati cheklangan insonlarga nisbatan ishlatiladigan “nogiron” so‘zidan voz kechishga qaror qilindi. Endi bu so‘zning o‘rniga davlat tashkilotlari, transport, supermarketlar, savdo majmualari va boshqa jamoat joylarida “Qahramon inson” atamasi qo‘llaniladi. O‘z navbatida e’lon va yozuvlar ham o‘zgartiriladi.
Bu haqidagi qarorni BAA prezidenti o‘rinbosari, Dubay amirligi hokimi shayx Muhammad bin Rashid al-Maqdum qabul qildi.
Qayd etish kerakki, bu qarorni amirliklar aholisi qizg‘in qo‘llab-quvvatladi. E’lon qilingach, bir necha kun o‘tib Twitter`dagi “Qahramon insonlar” sahifasi mamlakatda tezda ommalashib ketdi.
Islam-today