Qizlarni yomon ko‘rsa nima bo‘ladi? 28.10.2017
Savol:Assalomu alaykum. Men singlimni ko‘p koyiman. Buvim: “Qiz bolani yomon ko‘rmagin. Amaking ham qiz bolani, singlisini yomon ko‘rgani uchun Xudo unga uchtalab qiz berdi”, dedilar. Bunday gaplarga ishonish mumkinmi?
Bo`lim Ijtimoiy masalalar7329
Va alaykum assalom. Kimga qancha farzand, kimga o‘g‘il, kimga qiz berishi Allohning irodasiga bog‘liq, bandanikiga emas. Ba’zi gunohlar sabab faqat qiz farzand ko‘rish haqida biron narsa aytilmagan. Ammo Islom dinida qizlarga ko‘proq e’tiborli bo‘lishga targ‘ib qilinadi. Sababi johiliyat davrida qizlarga juda yomon munosabatda bo‘lishgan, hatto qizlar tiriklayin ko‘milgan. Islom dinida bu e’tiqod va amallarga qarshi chiqib, musulmonlarni qizlarga yaxshi munosabatda bo‘lishga, qiz farzandli bo‘lganda xafa bo‘lmaslikka, aksincha xursand bo‘lishga chaqirilgan.