Bismillahir rohmanir rohiym! Hadisi sharifda imom namozda xatoga yo‘l qo‘ysa, erkaklar “subhanalloh” deb, ayollar esa chapak chalib unga tanbeh berishlari lozimligi aytilgan. Shundan kelib chiqib aytish mumkinki, hojat yuzasidan qarsak chalishga ruxsat bor. Ammo erkak kishi namozda yoki xutba o‘qilayotganida qarsak chalishi makruh sanaladi. Namozdan tashqarida birovni ogohlantirish yoki rag‘batlantirish maqsadida qarsak chalish joiz. Ammo erkak kishining hojatdan tashqari qarsak chalishi ayollar ishiga o‘xshagani uchun bu ish makruh (yoqimsiz) sanaladi. Vallohu a’lam!