Va alaykum assalom. “Sizni o‘limga o‘qib qo‘yishgan” degan gap aqli joyida bo‘lgan odamdan chiqmaydi. Buni kohin va arroflar gapiradi. Zero, banda g‘aybni bilmaydi. To‘g‘ri, biron kishiga ko‘z tekkani yoki sehrlangani belgilari bor. Ammo aynan o‘limga issiq-sovuq qilinganini bilish insonning qo‘lidan kelmaydi. Oraga jinlar aralashgani shubhasiz. Bu gapning xatoligini o‘sha kimsaning qabristonga borib jonliq so‘yishga buyurishidan ham bilib olsa bo‘ladi. Alloh roziligidan boshqa yo‘lda, yana Allohdan boshqaning nomini zikr qilib jonliq so‘yish harom! O‘zini bilgan, aqlu hushi joyida bo‘lgan mo‘min odam bunday ishlarni qilmaydi.