Va alaykum assalom. Bomdod, shom va xufton namozlari jamoat bilan o‘qilganda, dastlabki ikki rakatda ovoz chiqarib qiroat qilinadi. Peshin va asr namozining barcha rakatlarida, shom namozining uchinchi va xuftonning uchinchi va to‘rtinchi rakatlarida maxfiy qiroat qilinadi. Bu ish bizning hanafiy mazhabida vojib sanaladi.

Rasululloh sollallohu alayhi va sallam qanday namoz o‘qigan bo‘lsalar, biz ham shunday o‘qiymiz. Har bir ibodatda u zotga ergashamiz. Jumladan, namozda jahriy va maxfiy qiroat borasida ham Rasuli akramga iqtido qilamiz. Ammo, tungi namozlarda ovoz chiqarib, kunduzi maxfiy qiroat qilishning asl hikmati nimadaligini bilmaymiz. Alloh biladi.