Tasbeh namozini qachon o‘qigan ma’qul?
Savol:Assalomu alaykum, Domla. Savolim bor edi. Bir joyda tasbeh namozi haqida o‘qib qoldim. Juma kuni zavol payti o‘qish mustahabdir, deyilgan ekan. Bu qaysi payt? Iltimos, shu haqida batafsil ma’lumot bersangiz. Javob uchun rahmat. Umringiz ziyoda bo‘lsin!
Bo`lim Ibodat masalalari30647
Va alaykum assalom. Tasbeh namozi nafl sanaladi. Uni (qaytarilgan vaqtlardan tashqari) istalgan paytda o‘qisa bo‘ladi. Kunduzimi, kechasimi, farqi yo‘q.
O‘qish tartibi quyidagicha: Niyat qilinib, quloq qoqilganidan so‘ng sano o‘qiladi. So‘ng “Subhaanalloh, valhamdulillaah, va laa ilaaha illallohu vallohu akbar”, deb 15 martta aytiladi. So‘ng “Auzu billaahi minash-shaytonir rojiym, bismillaahir rohmaanir rohiym”, deb Fotiha bilan zam surasi o‘qiladi”. Ruku, qiyom va sajdada 10 martadan “Subhaanalloh, valhamdulillaah, va laa ilaaha illallohu vallohu akbar”, deyiladi. Shunday shaklda 4 rakat o‘qiladi.
Ibn Abu Sayf Yamaniy “Al-lama’” kitobida keltirishicha, Termiziy shunday degan: “Tasbeh namozini juma kuni zavol paytida o‘qish mustahabdir. Birinchi rakatda Fotihadan keyin Takosur surasini o‘qiydi. Ikkinchisida Asrni, uchinchisida Kofirunda, to‘rtinchi rakatda Ixlosni o‘qiydi”.
Tasbeh namozini asosan kechasi o‘qigan afzal.
