Savollar va javoblar

 

Mavzu:

Oilam buzildi! Maslahat bering! 11.01.2017

Savol:

    Assalomu alaykum. Sizga oilaviy ahvolimni aytgan edim. Axiri oilam bilan ajrashdim... Oxirigacha qilgan harakatlarim besamar ketdi. Arshni larzaga keltiruvchi ajralish so‘zini majburlikdan aytim. Kelin ajrashaman, deb qattiq turib oldi. Shuncha tushuntirganim kor qilmadi... Hech xotirjam bo‘la olmayapman. Shu so‘zni ishlatgandan keyin o‘zimni qo‘yarga joy topolmayapman! Endi qanday yo‘l tutay?! Maslahat bering!

Maslahat 452

Javob:

    Va alaykum assalom. Agar xotiningiz siz bilan yashashni istamasa, uni majburan ushlab turolmaysiz. Bu – hayot. Unda kutilmagan hodisalar ro‘y beradi. Siz muhimi oilangizni saqlashga, uni buzilib ketishdan asrashga harakat qildingiz. Ammo foydasi bo‘lmadi. Shariat bunday vaqtlarda taloqqa ruxsat bergan. Shunday ekan, o‘zingizni ko‘p ham qiynamang, ruhan tushkunlikka tushmang, balki yana oila qurib, avvalgidan ko‘ra baxtliroq bo‘lishga, ilgari sodir etgan xatolarni takrorlamaslikka harakat qiling. Farzandlaringiz uchun oqila, mehribon ona, o‘zingizga vafodor, sizni doim tushunadigan mo‘mina ayolni tanlang.