Bismillahir rohamanir rohiym. Sirot ko‘prigi qildan ham ingichka bo‘lishi haqida rivoyatlar bor. Sirot ko‘prigi haqiqiy mo‘minlar uchun keng yo‘ldek bo‘ladi, ular haqiga farishtalar “Yo Alloh, uni salomat qil!” deb duo qiladilar. Ammo imon va solih amallardan mahrum kimsalar bu ko‘priqdan o‘tishda qiyinchilikka uchraydilar.
    Ayollarning qosh terishi harom ish ekani ma’lum. Ammo aynan qosh tergan odam sirot ko‘prigidan o‘tolmaydi, degan gapni eshitmaganman. Biroq la’natga sabab har qanday ishni qilgan odam qiyomatda sirot ko‘prigidan o‘tishda mushkul vaziyatga tushib qolishi turgan gap. Shunday ekan, imon-e’tiqodda mustahkam bo‘lib, Alloh rozi bo‘ladigan amallarni qilish, harom ishlardan saqlanish kerak.